راپۆرتەەیل یەکەم چارەک لە ساڵەگە نشان دەێد ک داهاتەیل میتا وە ریژەی ٣ لەسەد زیای بوی، تا بڕەسێدە زیاتر لە ٢٨.٦ ملیار دۆلار.
قانجاز میتا لە کانون دویەم تا کۆتایی ئادار ٢٠٢٣ رەسیە ٥.٧ ملیار دۆلار ، ک ٢٩ لەسەد لە خود ماوەگە لە ساڵ گوزەشتە کەمترە ک رەسیە ٧.٤ ملیار دۆلار.
لە ئادار گوزەشتە، کۆمپانیاگە واز لە ١٠ هەزار فەرمانبەر هاورد، و لە سەرەتای تەشرین دویەم ١١ هەزار فەرمانبەرە دەرکرد.
مارک زوکەربێرگ سەرۆک کۆمپانیاگە لە بەیاننامەیگ دویەکە چوارشەممە وت: کار کۆمپانیاگە لە زیرەکی دەسکرد وەرەو ئەنجامەیل خاسیگ چوود.
دووپات کرد ک کۆمپانیاگە توانای زیاترەو بوی تا بتوەنێد بەرهەمەیلیگ خاستر و زویتر بینا بکەێد.
لە سەرەتای نیسان، کۆمپانیای میتا نموونەیگ ئەرا زیرەکی دەسکرد پیشکەش کرد ک توەنێد چشتەیل ناو وینە بناسێد، وەگەرد بڕیگ بەیاننامەی روونکردن لەبان وینەگە، ک وت؛ یە گەورەترین کارە لەی شیوە.
میتا توومار کرد ک رووژانە زیاتر لە ٣ ملیار کەس وەشیوەیگ گورج چوودە ناو فەیسبووک یا ئەنستاگرام یا واتسئاپ یا فەیسبووک مەسنجەر.