شەفەق نیوز/ شوینەوارناسەیل پیرۆ، مۆمیایگ نزیکەی سێ هەزار ساڵە لە شار لیما پەیا کردن، ک دویاترین پەیاکردن شوینەواریە لە وڵاتەگە چوودەو ئەرا سەردەم وەرجە داگیرکردن ئیسپانی.
خوەنەوارەیل زانکۆی سان مارکۆس و توێژەرەیل سەرەتا جیماگەی گیس و کەپووڵ مۆمیاگە مەوقەی هەڵکەنین لەناو بڕیگ پەمی پەیا کردن، وەرجەیەگ ئەو بەشەیل مۆمیاگە پەیا بکەن.
میگێل ئەگویلار، شوێنەوارناس ئویشێد: هاتێ مۆمیاگە لە شارستانیەت مانچای بوود، کە لە ناوەین ساڵەیل ١٥٠٠ تا ١٠٠٠ وەرجە زایین لە دووڵ لیما گەشە کردگە.
ئەگویلار وتیش: ئی کەسە لە کۆتایی دروسکردن ئی پەرستگا وەجی هیلیایە یا جویر قوربانی پیشکەش کریاگە ک تەمەن نزیکەی سێ هەزار ساڵە.