شەفەق نیوز/ ئی جویر لە نمەک لە کەژەیل زنجیرە کویەیل هیمالایا لە وڵات پاکستان بەرهەم تیەێد، و وە لایەن مەردم فرەتر وە نمەکە پەمبەیی ناسریاگە، بەرهەمهاوردن نمەکەگە دەسکرد نییە بەڵکم سروشتیە لە تاشە سەنگەیل کانەیل کویەیلە درارنێ جیاوازی فرەیگ دیرێد وەگەرد ئەو نمەک چەرمگە ک وەکاری تێریمن.
ئی جویر نمەکە لە فرەیگ لە وڵاتەیلە وەکار تیەێد، بڕیگ سوود خاسیگ دیرێد ئەرا مرۆڤ، دەسمیەتیدەر خاسیگە ئەرا دیشپووک و لەکەی بان پووس و هەرس کردن خوەراک خاسترەو کەێد، تەنگەهانسی ورەبو لەناو دەێد ئەو کەسەیلە زیادە کیش دیرن توەنن لەرێ وەکارهاوردن ئی نمەکە ئاسانتر کیشیان داوەزنن، لەوەر ئەوەگ هویچ مادەی زەرەد بەخش نییە ناوی و وەتەواوی سروشتیە.