دکتۆر کامه‌ران رسوڵ ژاژڵه‌یی پسپۆڕ زانست خوەراک دیاری گرنگترین  سوودەیل خواردن ئەنجیر هشکەوکریاگ کردیە ک بریتین لیانە:

١ . دەوڵەمەنە وە ماددە ریشاڵیەگان: وەی هووکارە رۆل گرنگیگ دیرێد لە چالاککردن کۆئەندام هەرس و نەهێیشتن قەبزی، هەمیش گرنگە ئەرا داوەزانن ئاست کولیستڕۆڵ بەد ( LDL ) .

٢ . مقەیتیکردن لە نەرمەوبوین سووقان و سقانەنەرمە و کەمکردن ژان جومگەەیل : چوینکە دەوڵەمەنە وە گشت ئەو کانزایەیلە گرنگن ئەرا سوقان جویر کالسیۆم و مەگنسیۆم.

٣ . مقیەتیکردن تەندروسی پووس و هیشتنەوەی وە گەنجی و ریگریکردن لە دەرکەفتن چرچ و لووچی.

٤ . سەرچەوی گرنگیگ  ماددەی ئاسنە: لەوەر ئیە گرنگە ئەرا مقیەتیکردن له کەمی ئاسن و کەمخوینی و چارەسەرکردنیان وە تایبەت له خانمەیل و زاروویەیل.

٥ . مقەیتیکردن لە بیماری درویژخایەنەیل: لە ری کەمکردن هەوکردن چوینکە دەوڵەمەنە وە کانزا و ڤیتامینەگان وەگەرد ماددە دژە ئۆکسانەیل ک رۆل دیرێد لە خوەپاراستن لە بیماریەیل دڵ و شێرپەنجە.

٦ . دەسمیەتی کۆنتڕۆڵکردن بەرزی فشار خوین دەێد  لەوەر هەبوین بڕیگ خاس له کانزای پۆتاسێوم.

٧ . دەسمیەتی داوەزانن کۆلستڕۆڵ بەد دەێد لەوەر دەوڵەمەنی وە ماددە ڕیشاڵیەکگان.

٨ . ریگریکردن و چارەسەرکردن قەبزی.

٩ . وە سووده ئەرا چارەسەر لاوازی و کەمی کیش ئەگەر بڕیگ فرە رووژانە لەلی بخوریەێد.