شەفەق نیوز/ کەمانچەیگ دەگمەن لە مارکەی ستراديفاريوس، لە دروسکردن ئەنتۆنیۆ ستراديفاری لە ساڵ 1714 وە 11,3 مليۆن دۆلار فرووشیا، لەناو زیایکردن ئاشکرا لە نیویۆرك.

خانمە سەرۆک ماڵ  "سوذبيز" لە کیشوەر ئەمریکا، ماری كلاوديا خيمينيس، لە بەیاننامەیگ وت: ئی کەمانچەی جیاوازە لویتکەی کار پیشەیی و میژوو مۆسیقای کلاسیک نشان دەێد، وتیش: دەنگ ناوازەی و میژووی دووسەیل ئەنتیکە و مۆسیقا دڵگیر کرد.

ئی کەمانجە کە وە دەنگ جیاوازی ناسیاس و وەپی ئویشن "يواكيم ما ستراديفاريوس" وناو خاوەن جارانیی، وە نرخیگ فرووشیا کە سێەم بەرزترین نرخە ئەرا کەمانجەیگ لە مەزادخانە.

کەمانچەیگ ترەک "ليدي بلانت" لە ساڵ 2011 وەرانەور 15,9 ملیۆن دۆلار فرووشیا.

مەزادخانەی "سوذبيز" وت: ئەوەگ هیلێد يواكيم-ما ستراديفاريوس ناوازە بوود، دەنگ جیاواز و دەوڵەمەن و قویلیە.

ئی کەمانجە هن کەمانجە ژەن سي-هون ما بویە، وەرجەیەگ پیشکەشی وە پەیمانگەی مۆسیقای نيو ئینگلاند (NEC) بکەێد لە بۆستن، کە لەورا خوەنستیاد، وە مەرجیگ  رووژیگ لە رووژان ئەرا سپۆنسەرکردن مووڵەتەیل خوەنەواری بفرووشێدەی.

وەرجە ئەوە، ئەو کەمانجە هن جۆزیف يواكيم بوی، یەکیگ لە کاریگەرترین کەمانجەژەنەیل لە سەدەی نۆزدەهەم، کە وەناوبانگ بوی وە کارەیلی وەگەرد میوزیکزانەیل جویر يوهانس برامز.