وەگورەی تۆێژینەر ستیڤن جاکوبسون لە زانکۆی نۆرت ویسترن؛ ئی پەیاکردن بەڵگەی گەورەیگە کە زەوی بان زەوی لە ژیرەو تیەێد، و ئاشکرا جیگیربوین قەوارەی زەریایل زەوی وە درویژایی مەلیۆنا ساڵ کەێد.
وتیش: ئیمە بەڵگەیگ لەبان گەردین ئاو لە گشت شوینەیل زەوی دوینیمن، کە هاتێ دەسمیەتی دەێد ئەرا فامستن ئەو بڕ گەپە لە ئاو لەبان زەوی، زانایل یە دەیان ساڵە مینەی شوین ئەو ئاو پویلە کەن.
ئی پەیاکردنە نووڕین نوویگ لە سەرچەوەی ئاو لەبان زەوی دەرخەێد، و ئەوە ڕەت کەێد کە گوایە ئاو بان زەوی لە ئەنجام کەفتن دویئەسارەیگ لەبان زەوی دروس بویە، و نشان دەێد کە زەوی کەمکەم لە ژیر زەویەو تێدە بان.
ئەرا پەیاکردن ئی زەریای مەزنە، ٢٠٠٠ ئامێر زەویلەرزە بە گشت شوینەیل ئەمریکا بەشەو کردنە، و دویای خوەنستن شەپوولەیل زیاتر لە ٥٠٠ زەویلەرزە، ئەرایان دەرکەفت سەنگەیلیگ تەڕ هەس کە ئاو فرەیگ لەبن زەوی هەس.