شەفەق نیوز/ ژنیگ ئیتالی دویەت ناخاڵەی لەبان ری سەرەکی لە رۆما هیشتە جی، جویر سزایگ چوینکە پلەی کەمیگ لە زوان لاتینی لە مەکتەو وەدەس هاوردیە، وەگورەی میدیایل راگەیانن ئیتالی.
هەناێ پولیس ئەو دویەتە لە تەمەن ١٦ ساڵان لەناو جادە پەیا کرد، لە کنار ریەگە ری کەێد لە کاکەی ئۆتوستراد لە رۆمای پایتەخت، کە هەمیشە قەرەباڵغە، و ژیانی کەفێدە وەر مەترسی.
میدیایل راگەیانن وتنیش: پولیس دویەتەگە ئەرا بنکەی خوەیان بردنر کە وەگورەی رووژنامەی "لا ريبوبليكا" دویەتەگە وتیە: بویەسە دەمەقاڵ وەرد داڵگم چوینکە شمارەی بەدیگ لە زوان لاتینی هاوردمە، و ناچارم کرد لە ماشینەگە داوەزم.
رووژنامەیل ئیتالی وتن: دویەتەگە خوەنەوار خاسیگە، وەلێ لە لایتینی خاس نەویە.