شەفەق نیوز/ شیر یەکیگە لەو خوەراکەیل دەوڵەمەنە وە ڤیتامین ئەی، بی6، دی و وەگەرد کانزاگان فسفۆر، ماگنیسیۆم و یۆد و سەرچەوە خوەراکیەلتریگ، باوجی وەپای توێژینەوەیل پزیشکی وەکارهاوردن شیر وەگەرد خوەراکەیلتر رۆلەگەی ئەرا زەردبەخشبوین ئاڵشتبوود، جویر:
1.ماس
خواردن ماس وەگەرد شیر بوودە هووکار زەرەد رەسانن وە سیستم هەرس و گیچەڵ لەگەیە دروس کەێد.
2.ترشەڵۆكەیل
خواردن ئەو میوەیلە ترشەلۆکیان فرەس وەگەرد شیر بوودە هووکار گەیە ژان جاروەجار ئەڵاوردن، وەلایەن کەم بایەت دوو ساعەت لە ناوەین خواردنیان بوود.
3.مۆز
لێوا باوە خواردن مۆز وەگەرد شیر تەندروسە، باوجی پسپۆرەیل ئویشن وە تێکەڵاکردن مۆز و شیر پێکهاتەی قورسیگ دروسبوود، کە هووکارە ئەرا هەسکردن وە شەکەتی و دیر هەرسبوین.
4.ماسی
خواردن ماسی وەگەرد شیر جار هەس بوودە هووکار ژەهراویبوین گەیە، و گیچەڵەیل پەیوەنیدار وە پووس دروسکەێد.