(حەجیە سوندس) لەبان هەژمار خوەی لە تیک تۆک پارچەیگ ڤیدیۆ بڵاو کرد، لەناوی ئاشکرا کرد چ کاریگ خوازێد بکەێد، ک وت: خوازم بوومە یەکەمین ژن تونسی شوی وە جفتیگ پیاو بکەێد، چوینکە یاسای تونس ری وەپیم دەێد شوی وە جفتیگ پیاو بکەم، و قەیەغەی زیاتر لە یەک ژن لەبان پیاوەیل کەێد.
وتیش: ئەراوە من و دوو کەس بڕیار دایمن سویر بکەیمن، وبڕیار دایمنە لەی مانگە مارە بووڕیمن.
لەناو ڤیدۆگە ئویشێد: داوا لە برادەر و دووسەیلم کەم ئامادە بوون، وەوە بوومە یەکەمین ژن تونسی شوی وە دوو پیاو وەیەکەو بکەێد، من خوەشهاڵم.
حەجیە سوندس پارچەیگتر لەبان تیک تۆک بڵاو کرد، ک لەبان قسەی ژنیگتر هاتە دەنگ، ک وتیە: یەکسانی لەناویان بکە، و لەناوی وت: رخد نەچوود نازارەگم، يەکسانی هەس، خوەم زانم چە کەم و چە نیەکەم، و ئەوانیش زانن چە کەن و چە نیەکەن، ئەراوە رخد نەچوود نازار دڵەگەم، ئەوەسا شوییگ خەمە ناو چەویگ، و شوییگ خەمە ناو ئەو چەوەگە.
هەمیش وت: تا ئیسە داوایان نیەزانم، وەلێ لە ڤیدیۆیگ لە بانان وەگەردم دەرچن تا باس بڕیارمان وەرد پارێزەر بین ساڵحە بکەن، ک لەبان شیرواییمان شایەتی دەێد.
پارێزەر تونسی مونیر بین ساڵحە، لەبان ئیزگەی "IFM" وت: ئەو ژنە ک شوی وە زیاتر لە پیاویگ بکەێد، لە یاسا سزا لەبانی نییە.
وتیش: یاسا ئویشێد خوازین زیاتر لە یەک ژن قەیەغەس، خو نەوەتیە شویکردن وە زیاتر لە یەک پیاو قەیەغەس.