شەفەق نیوز/ ژنیگ تایله‌ندی دویای ئاماده‌كردن خواردنیگ ده‌ریایی ئەرا خوەی و هاوسه‌ره‌گه‌ی، له وەخت نانخواردن ئیوارە له‌ناو خواردنه‌گه‌ی، مروارییگ فرە ده‌گمه‌ن پەیاکەێد.
رووژنامه‌ی "تایگه‌ر" بڵاوی كردیە، ژنیگ تایله‌ندی له وەخت ئاماده‌كردن ژه‌میگ، مروارییگ پرته‌قاڵی ده‌گمه‌ن وە ناو "میلۆ" له‌ناو گووشماسی (میدیا)ی گەپیگ پەیاکەێد ک له بازاڕیگ ناوخوەیی له پارێزگای چۆنبوری سەندوێدەی.
رووژنامه‌گه دیاریکردیە، تێڤالی سیتۆنۆنگ ته‌مه‌ن 33 ساڵ، له ئیوارایگ وەرد چه‌ن خواردنیگتر ده‌ریایی میدیا سەندوێد، دویای ئه‌وه‌گ پاكی كردیە و ژه‌مه خواردنه‌گه‌ی له‌بان مێزه‌گه ئاماده کەێد ئەرا خواردن، لەناکاو هەس وە چشت رەقێگ کەێد، لە دویای وشکنین هویرد ئەرای دەرکەفتیە ئیە مرواریگ دگمن پرتقاڵی میلۆیە و قەوارەگەی چەنە نویخان گەپیگە.
ژنەگە راگەیانییە هەرچەنە مرواریەگە وە نرخە، باوجی وە نیاز فروشتنی نیە.