شەفەق نیوز/  خانمە پێشكەشكار، ئەڤین ئاسۆ ک ماوەی فرەیگە بی دەنگە  لە کار میدیای لەبان مەرگ ژینا ئەمینی هاتە دەنگ و بڕیار گلەوخواردن دا.

ئەڤین ئاسۆ لەبان پەرەی فەرمی تایبەت خوای لەبان تووڕ کۆمەڵایەی راگەیان، " ئەزیزم ژینا گیان چەن رووژە توام چشتیگ بنویسم پیناسەیگ بوود ئەرا مەرگ ناوەخت و غەدرلێکریاگ توو،  ئارام بخەف دویتە کورد، بخەف توو دی سیمبول ئازادی و و راچڵەکان ئافرەتەیل کوردی و توەنستید وە مەرگد گشتی جەمەو بکەێد ک وە دەنگ بەرز و دلێرانە بوشیمن بەسە وە ناحەق کوشتن گەنجەیل و پیر وئافرەت و پیاو کورد.

 وتیش، خودا سەبووری خانەوادەگەد و گشتی بەێد، من لە داشتن وشەیلم ئەرا کۆسپیگ جویر تو پەری ئاسا زیرەک نیم، چوینکە هویچ وشەیگ نیەتوەنێد پیناسەی لە دەسداند بکەێد.

ئاشکەرایکرد،  وە دڵنیاییش  چەندین بەرنامە و سەدان سەعاتیش بەس نییە، باوجی بەڵین بوود وەخاتر توو و ژینایەیلتر ئەڤین ژن و ژیان وەردەوام بوود تا قوربانیەیل هەمیشە وە زینگی بیلینەو بەرز رایانبگرین.