شه‌فه‌ق نيوز/ جفتياره‌يل ناوچه‌يگ ئاواينشين له ئه‌نده‌نوسيا ناڵنن وه‌ده‌س پاسه‌انيكردن به‌رهه‌مه‌يل كشتوكاڵييان و زنهار بوينه وه‌ده‌س په‌لاماره‌يل فريه‌ێ مه‌يمونه‌يل ئه‌را بان سه‌وزێ و ميوه‌جاتيان.
له‌ى باوه‌ته‌و، ماڵپه‌ڕ"ذا جاكرتا بوست" وت: مه‌ردم ناوچه‌ێ ونوجيرى له ناوڕاس دويرگه‌ێ جاوه فريه ناڕه‌حه‌ت بوينه وه‌ده‌س روێ وه‌ڕوێ بوينه‌وه‌ى مه‌يمونه‌يل، چوينكه گشت به‌رهه‌مه‌يل ميوه‌جاتيان دزينه له به‌رهه‌مه‌يل مانغۆ و مۆز و ميوه‌ێ باباياو ميوه‌يل تر و ئمساڵ هويچ ميوه‌ێگ نه‌چنينه‌سه‌و.
جى باسه، مه‌ردم ناوچه‌گه‌يش باس له‌وه ئه‌كه‌ن ك مه‌يمون ئه‌رايان بويه‌سه سه‌رژان له شوون ئه‌وه‌گ به‌رهه‌ميليان ره‌سيده حاڵه‌ت چنينه‌وه‌و هويچ له‌لى حاسڵ ناكه‌ن و مه‌يمون دزێده‌ێ له‌وه‌ر ئه‌وه‌گ مه‌وسم وشكه‌ساڵى و كه‌مئاويه‌و ورسگى له‌يوا له مه‌يمونه‌يل ئه‌كا په‌لامار ميوه‌جات بيه‌ن.