شەفەق نیوز/ پیاییگ میسری دویای تەنیا 20 ساعەت لە مردن هاوژینەگەی گیانی لەدەسدا، لە رویداویگ دڵتەزن کە خەفەت خستە ناو مەردمەیل میسری.

سوعاد عەزام، خەڵک ئاوای کفب شبرازنجا لە پارێزگای منوفیە، گیانی لەدەسدا، و خەڵکەگە لە مزگەفت ئاوایەگە نمازی خوەنین.

  وەلێ دویای تەنیا 20 ساعەت، محمد فەهیم شویی لەوەر خەفەت قویلیگ ئەویش مرد.

هەر لە خود مزگەفت، نماز پیاوەگەیش خوەنریا.

 رەئفەت محمد کوڕیان وت: دووسی گەورەیگ لەناوەین باوگ و داڵگی بویە، و دیاری کرد کە هەناێ داڵگی بیمار کەفتیە، و ئەرا خەسەخانە بردنەی، باوگی فرە خەفەتبار بویە، و باس ئەرای نەکردیمن کە داڵگمان فرە بیمارە چوینکە زانیمن فرە دووسی دیرێد و فرەیش خەفەت خوەێد.

وتیش: هەناێ داڵگمان مرد، چاو مردنی لە باوگە شاردنەو، وەلێ دڵی لەوە ئاگادار بوی، و چگە تاس خەفەت قویلیگ.

وتیش: دویای 20 ساعەت لە مردن داڵگی، باوگی لە خەفەت و خوسەو گیانی لەدەسدا.

هەمیشە پزشکەیل دڵ هوشداری لە (شکیان دڵ) دەن، کە ئایەم رەسنێدە مردن.