شەفەق نیوز/ پیاویگ ئه‌مریكی ئەرا وه‌سه‌ربردن پشووی كۆتایی هه‌فته‌ چگە ناوچه‌یگ گه‌شتیاری و ته‌له‌فریك وه‌كارهاوردیه‌، پایەیلی سڕبەێد و له‌به‌رزی 23 مه‌تر کەفتیەسە خوار، باوجی له‌مردن قورتاری بۊیە وەبی  هۊچ زەخمداری  سه‌ختیگ بیاشتوود. 

تووڕ هه‌واڵی Fox News بڵاویكردیه‌، پیاویگ ئه‌مریكی له‌ به‌رزی 23 مه‌تر لەبان کۊەی به‌رزیگ لەبان ته‌له‌فریكیگ کەفتیەسەخوار وەبی ئەوەگ هۊچ شكیانیگ بیاشتوود ته‌نیا وه‌ چه‌ن زەخم سووکیگ قوورتاری بۊیە. 

وەگورەی ئەو ماڵپەڕە ئەمریکییە كارمه‌ن چێشتخانه‌یگ ک وەچەو خوەی سڕبردن ئه‌و پیاوه‌ دیە دەسوەجی په‌یوه‌نی وە گرێگ پوردی، جێگر وه‌رێوه‌به‌ر بازاڕكردن كاروبار گشتی له‌ ناوچه‌ی گه‌شتیارهی ته‌له‌فریك پاڵم سپرینگ كردیە و وەپیان راگەیانییە ك روداویگ لەی جۊرە رودایە و ئه‌وانیش ده‌سوه‌جی وەگەرد تیمه‌یل فریاكه‌فتن خێرا چگنە شۊن روداوه‌كه‌.  

وتیش، "یەکەمجار وەپیان راگەیەنیاگە   ئه‌و پیاوە له‌به‌رزی 91 مه‌تر کەفتیەسە خوار و ك ئه‌وه‌یش به‌رزیی فرە رخبەرە، باوجی مەوقەی چگنە شۊن روداوه‌گه‌ ته‌نیا شۊن به‌رزی کەفتنەگەی 23 مه‌تربۊیه‌ نه‌گ 91 مه‌تر".