کوڵە چیرووک 

پیاییگ نەدار، وەگەرد ژنەگەی لە ماڵ کرە دروس کەن، خوەییش چوود لە بازاڕ  ئەو کرە فرووشێد.

کابرا خاوەن دوکانیگ پەیا کرد تا بوودە بسین رووژانەی ئەو کرە کە لەماڵ دروسی کەن، و پیاییگ رووژانە چشتەیلیگ لە خاوەن دوکان ئەرا ماڵ بەێدەو.

ژنەگە لە ماڵ کرەگە خڕ کەێد، تا هەر تووپیگ بوودە یەک کیلۆ.

تا چەن رووژیگ وەیجویرە کاریان وەرد ئەو خاوەن دوکانە کەفتەو ری، تا رووژیگ خاوەن دوکان وە تەرازوی دوکانەگە تووپیگ لەو کرە کیشا.

هەناێ خاوەن دوکان کرە کیشا، دی هەر تووپیگ ١٠٠ گرام لەلی کەمە، گلەیی سەختیگ لە پیاوەگە کرد، وت: یە چەنیگە تو کرەی کەم وەمن فرووشید، دی کرەی تو نیەسینم.

پیای خاوەن کەرە وت: خو ئیمە لەماڵ تەرازوی نەیریمن، و یەک کیلۆ برنج لە تو سەنیمنە کردیمنەسە پەیمانە و وەگورەی ئەو برنجە هەر کلیۆیگ کرە دراریمن!.