شەفەق نیوز/ ماشین پیر و کۆنەیگ، یە ٤٧ ساڵە لە کنار جادەیگ ئیتاڵی وسیاگە، بۊیە سیمای گەشتوگوزاری ک مەردمەگە لە گشت جیهان وەخوەی کیشێد.
ئەنچیلۆ فریگۆلنت، لە تەمەن ٩٤ ساڵان، لە ساڵ ١٩٧٤ لە دەر دوکان رووژنامە فرووشتنی ک وەگەرد ژنەگەی پیرتیلا مودلۆ لە کونجلیانۆ باکوور خوەرهەڵات ئیتاڵیا، ماشینەگەی مارکەی ڤۆڵڤیا مودێل ١٩٦١ وسان.
فریگۆلنت ئەرا ڕووژنامەی "غازيتينو" وت: کوشک رووژنامە فرووشتن لە ژیر ماڵەگەم تا ماوەی ٤٠ ساڵ وەگەرد ژنەگەم ک دە ساڵ لە خوەم بۊیچگترە وەڕیرەو بردیام، وتیش؛ هەنای دوکانەگە واز کردم، فرە خوەشهاڵ بۊیم وە وسیان ماشین لانسيا ڤۆڵڤیاگە لە وەردەمی، چۊنکە رووژنەمەیلە خستیامە ناو سەندووق ماشینەگە و ئیجا وەرەو ناو دوکانەگە بردیام.
دۊیای خانەنشینی دوو هاوسەرەگە، ماشینەگە لە خود شۊنەگە هیشتنە جی، و لەو مەوقە بۊیە پارچەیی لەو شار ڕەنگینە.
گەشتیارەیلە و خەڵک ناوچەگە دەسکردنە گرتەی سێلفی وەگەرد ئەو ماشین کۆنە، تا بۊیە ناوچەیگ ئەرا گەشتوگوزاری، ک وێنەیلە لەناو میدیایل پەیوەندییە کۆمەڵایەتییەکان بڵاو بۊین.