شەفەق نیوز/ سایت "زا ناشيوناڵ" ک وەزوان ئینگلیزی دەرچوود، ئمڕوو سێشەممە، وت: ماشینەگەی شاە فەیسەل یەکەم شاه کووچکردگ عراق، وە فرووشین ئۆنلاین لە ئەمریکا وە نرخ زیاتر لە دوو مەلیۆن و ٥٠٠ هەزار دۆلار فرووشیا.  

سایتەگە لە راپۆرتیگ ئاژانس شەفەق نیوز وەرگیڕانی کرد وت: ماشینەگەی شاە فەیسەل یەکەم، دۊکە دووشەممە، فرووشیا، و ناسنامە و وڵات بسینەگە نەزانریاگە.       

وەرجەیە، سایت "كار كووبس" ئەمریکی ک تایبەتە وە ماشین وت: موزەخانەیگ لە شار بانديانابوليس لە ویلایەت ئیندیانای ئەمریکا،  ئەوەسا ماشین کۆنەیگ هن شاە عراق فەیسەڵ یەکەم خەێدە فرووشتن ئاشکرا.    

سایتەگە لە راپۆرتیگ ئاژانس شەفەق نیوز وەرگیڕانی کرد وت: موزەخانەی ئەنديانابوليس سیبداوی ئەرا ماشین، ئەوەسا ماشینەیلیگ خەێدە فرووشتن ئاشکرا، و ئەوەسا دوو ماشین "میرسيدس بينز" نمایش کەێد ک مەزەنە کەێد نرخ گەورەیگ بارێد.        

لەناو ئەو دو ماشینە، ماشین "میرسيدس بينز" مودێل ساڵ 1930 ک تەنیا 117 ماشین لەناو ساڵەیل 1930 و 1939 لەوینەی دروس کریاگە، و تابلۆی (بەغداد – 83807) هەڵگردگە، و شاە فەیسەڵ یەکەم داوای کردگە، و چوار دەر دیرێد، و قەمارەگەی بەرزەو بوود، ئەوەیش لەلایەن کۆمپانیای  "فول وروهربيگ" ئەڵمانی لە پەرلین دروس کریاگە.  

راپۆرتەگە وتیش: ماشینەگە لە سەردەم شاه غازی و شاه فەیسەل دۊیەم هن دەوڵەت عراق بۊیە، باوجی لە ساڵ 1967 دامەزراو ئەنديانابوليس سیبداوی موتولۆرز بۊیە خاوەنی، و لە هەفتایلە نووەو کریا.