شەفەق نیوز/ کەسەیلیگ لەبان ئەنتەرنێت تەقەلا دەن ئەو پارچەی ئەڵماس سیا بسینن، ک ئۊشن لە ئاسمانەو هاتیە.        

تووڕ سکای نیوز بەریتانی، ئمڕوو یەکشەممە،  وت: ئەو پارچەی ئەڵماس گەورە تەمەنی نزیک یەک ملیار ساڵە، و مەزەنە هەس لە ئاسمان هاتیە. 

ئەو ئەڵماسە ناو (a 555.55) بڕینە باڵای.    

سایت فرووشتن ئەڵماسەگە  (sothebys) ١٢ تەقەلا ئەرا سەنین ئی ئەڵماسە توومار کرد،  و دۊاترین  نرخی تا نیمەڕوو ئمڕوو،  رەسیە ٦٠٠ هەزار جونێە ئیستەرلینی (نزیک ٨١٢ هەزار دۆلار ئەمریکی).       

ئەو پارچەی ئەڵماسە لە ساڵ ٢٠٠٦ وە گەورەترین پارچە لە جەهان چگە ناو کتاو گینیس.