شەفەق نیوز/ وەرپرسەیلیگ ئەمریکی وتن: بڕیان کارەبا لە بەش فرەیگ لە شار سایرفیل لە ویلایەت نیوجیرسی وەرجە هەفتەیگ، لە ئەنجام کەفتن ماسییگ لە دەنویک باڵندەیگ وەبان محویلەی کڕ کارەباگە بویە.
پولیس سایرفیل وت: کراکارەیل کۆمپانیای نیوجیرسی ناوەندی ئەرا وزە و رووشنایی کە لە گلەوداین وزەی کارەبا کار کردن، ماسییگ لەبان موحەویلەگە پەیا کردن.
پولیس لە پۆستیگ هەنەکی لەبان فەیسبووک نویسان: مەزەنە کەیمن باڵندەیگ مەوقەی باڵگردنی لەبانمان ئەو ماسیە لەلی کەفتیە، و تاوانبارەگە دیار بویە وەرەو باشوور باڵەو گردیە، وتیش؛ ئەو تاوانبارە دەسگیر نەکەن هەرچەن چەک وەپی نییە.