شەفەق نیوز/ وەپای لێکداوەی فەلەکناسەیل، ئمڕوو چوارشەممە، چەن دیاردەیگ گەردوونی روی دەێد کە بریتین لە یەکسان بوین شەو و رووژ و دەسوەپیکردن وەرز وەهار لە نیمەگۆی باکوور و دەسوەپیکردن وارز پایز لە نیمەگۆی باشوور زەوی.
سەرۆک رێکخریاگ فەلەکناسی کوردستان، ئەژی چەتۆ، لە بەیاننامەیگ راگەیان، وەپای پەیمانە فەلەکیەیل ئمڕوو چوارشەممە، ساعەت ٦:٠٦ـ شەوەکی، زەوی رەسێدە خاڵ هاوسەنگبوین وەهاریی، لە هەمان وەخت مانای نیمە یەكسانبوین تەواو ماوەی ناوەین شەو و رووژ هەس کە ١٢ وە ١٢ ساعەت بوود.
دیاریکرد، هاوسەنگبوینی وەهاریی لە ٢٠ یا ٢١ـ مانگ ئازار گشت ساڵیگ دوارەوبوود، تیشك خوەر وە شێوەیگ ١٠٠% کەفێدە بان کڕ یەكسانیی، ئاڵشتبوین وەرچەویگ لە پلەیل گەرمی روی دەێد، ماوەی شەو و رووژ درویژ و کوڵبوین وەخوەیان دویننن.