شەفەق نیوز/ یەکەمین تەقەلای کاڵین جگەر وەراز ئەرا ئایەم لە خەسخانەیگ خوەرهەڵات چین سەرکەفتی بوی.
وەپای خەوەریگ لە ماڵپەڕ "چاینا دەیلی" خەسخانەی "ئانهووی" لە شار "هێفی" سەرکەفتن نەشتەرگەریی دەگمەن کاڵین جگەر وەراز ئەرا پیایگ ٧١ ساڵان راگەیان، وەڕێوەبەر خەسخانەگە راگەیاندیە، نەشتەرگەریەگە سەختە تا ئیسە لەماوەی گوزەشتە وەلایەن کەسەو ئەنجام نەدریاگە.
لەماوەی گوزەشتە نەشتەرگەریەیل کاڵین دڵ و گورچگ وەراز ئەرا ئایەم وە سەرکەفتی ئەنجام دریاگە باوجی ئەرا یەکەمین جارە نەشتەرگەری کاڵین جگەر ئەنجام بدرێد، وەپای خەسخانەگەی چین نەشتەرگەریەگە سەخت بویە ئاڵنکاری فرەی داشتیە.