شەفەق نیوز/ رووژنامەی وۆڵ ستریت جۆرناڵ وە پشتبەسین وەو کەسەیلە کە ئاشنان وەو باوەتە، بڵاو کردیە کە کۆمپانیای مێتا پلاتفۆرم سیستەم نوویگ ئامادە کەێد کە ئامانج ئەوەس هازدار بوود جویر پێشکەفتگترین مۆدێل کە لەلایەن OpenAI پێشکەش کریەێد کە ریخریاگ زیرەکی دسکرد قازانج نەخوازە.
رووژنامەگە لە شمارەی دویەکەی بڵاو کرد کە کۆمپانیای داڵگ فەیسبووک ئامانجی لە ساڵ ئایندە مۆدێل نوویگ لە زیرەکی دەستکرد ئامادە بوود. وتیش: چەن گلەیگ لە چاپە بازرگانییەگەی کە ناوی لاما ٢ەس قایمترە.
Llama 2 مۆدێلیگ گەورەی زوانی زیرەکی دسکردە وەگورەی سیستەم سەرچەوە واز کە لەلایەن Meta لە مانگ تەمووز خریاسە بازاڕ.
رووژنامەی وۆڵ ستریت جۆرناڵ وتیش: ئەو سیستەمە کە پلان ئەرای نریایە کە هیمان چەوەڕی کریەێد ئاڵشتکاری وەخوەی بوینێد، دەسمیەتی کۆمپانیایل ترەک دەێد ئەرا بنیاتنان خزمەتگوزارییەیل کە دەق ئاڵۆز و شیکاری و بەرهەمەیل ترەک دروس کەن.
رووژنامەگە لە راپۆرتەگەی وتیش: مێتا مەزەنە کەێد لە سەرەتای ساڵ ٢٠٢٤ دەس وە ڕاهێنان لەبان سیستەم نوو زیرەکی دەستکرد بکەێد کە وە مۆدێل زوانەوانی گەورە ناسریایە.