شەفەق نیوز/ ئەوەسا ئەو تابلۆ ک بابلۆ بیکاسۆ پێشکەشی وە یونان کردگە، دویای دزیکردنی ئەرا زیاتر لە نۆ ساڵ،و دەسگیرکردن کارمەنیگ بیناسازی لە تەمەن ٤٩ ساڵان جوور گومانلیکریاگ، ئەو تابلۆە خریەێدە پیشانگای نیشتمانی.

دەسەڵاتەیل، رووژ سێشەممە، وتن: تابلۆی (سەر ژنەگە) ئەرا بیکاسۆ لە کانوون دوویەم ٢٠١٢ لە پێشەنگای نیشتمانی لە ئەسینا دزیا.

و لە ساڵ ١٩٤٩  ئی تابلۆ پێشکەش وە یونان کریا ، وەخاتر وەرخودانی ئەرا داگیرکردن نازیەیل ئەڵمانیا لە جەنگ جهانی دوویەم.

لینا میندونی خانمە وەزیر رووشنهیوری وت: ئی تابلۆە گرنگی تایبەت و ئەرزش هەستی خوەی دیرێد، ک خود شیوەکارە مەزنەگە پێشکەشی وە گەل مەزن یونانی کرد، وەخاتر خەباتیانژوە هێزەیل فاشیست و نازی، و پەخشیتەگە وە دەس نووسیاگە.

پۆلیس وت: ئەو کابرا ک گومان لەلی کریاگە، شناسنامەی یونانی دیرێد، و مەزەنە کەیمن ک خوەی وەتەنیا ئی کارە نەکردگە.