شەفەق نیوز- چل و نۆ ئاجر لوعابدار ک هن 2800 ساڵ وەر ژە یەنە، دۆمای 29ساڵ پەیجووری، وە ئێران ئەڵگەردیان‌وە.
ئی ئاجوڕەیل کاشی‌وێنە ک هن هووز مانا ک دانیشتگەیل جاران و زوونان ناوچه‌ی قڵایچی ده پەڕ و کەمار شار کوردنشین بووکان بینە، وە بەڕانی و گەڕانی دە ئێران دەرهاوردنه‌سەیانە دەر، یە خەیلێ بی ک دە بەندەرێ دە سووئیس گیریابین.
هەرچەن دە ساڵ 2016 زایەنی، حوکم دریاگە ک یانە بایەد گلەو بدرنە دۆما وە ئێران باوجی هە لەو ساڵە تا ئێسە، وە خاتر تەحریم و چارتمەی ک دریاگە ئەڕا ئێران، ئی گەورییەیلە دە سووئیس مانە.
خاسە بزان ک دە ئی هەفتا و دو ساڵە ک چگ، سازمان میرات فەرهەنگی و گەشتیاری ئێران توانستگە هە 12 جار و هەر جارێ، بڕێ گه‌وری ک وه بەڕانی لە ئێران بریانەسە ده‌ر، ئەڵگەردنێگەو دۆما.