شەفەق نیوز/ بازرگانیگ ماددە هووشبەرەیل لە بەریتانیا وە جۊریگ تایبەت وە خوەی ئاهەنگ سەر ساڵ کردیە و درەخت کریسمەس رازانییە، لەوەر یە خرایارە زندان.       

ئەو بازرگانە دارەگە وە پۊیل و ماددەی هوشبەر رەنگین کردیە و وە کامێرای مۆبایلەگەی وێنەی گردیە، نەزانستە ئی کارەیە بوودە بەڵگەیگ لە دادگا و دژی وەکاری تیارن.    

وەگورەی میدیایەیل بەریتانیا، مارفین بورسیلی نەزانستیە رازانن درەخت کریسمەس وە ماددەی هۆشبەر و بڵاوکردن وێنەگەی دریەێدە دادگا و بوودە بەڵگەیگ لەبانی و چەسپنێد ک خوەی یەکیگە لە ئەندامەیل دەسەی وەکارهاورەیل و فرووشتن ئەو جۊرە ماددەیلە.    

پۆلیس بەریتانیا لە تویتەر وێنەی پیاوەگە و دارەگەیان بڵاوکردیە، ک وە پۊیل کاغەز "٢٠ جونەی ئیستەرلینی" و کیسەی بۊچگ چەرمی ک  کۆکاین هاناوی رەنگینکریایە.