شەفەق نیوز/ وەپی راپۆرتیگ فەرەنسی لە هەر خولەکیگ ٢٠ تەن وەجیماگەیل پلاستیکی خریەێدە ناو زەریاگان، یەیش هووکارەیگە ئەرا زیاتر مەنێن ئەو ڤایرۆسەیلە ک وە ماکرۆپلاستیکیەیل لکیەن.

کەشتیی “ئۆدێسە پلاستیک” ک بەرهەم پۆژەیگ فەرەنسیە لە رووژ شەممە لە فەرەنساوە وەری کەفێد، ئەرا ئەرکیگ سێ ساڵە وە ئامانج کەمەوکردن پیسبوین دەریا و زەریاگان لە وەجیماگەیل پلاستیکی و هوشیارکردن مەردم لە وەجیماگەیل پلاستیکی.

تیم کەشتیگە لە 20 کەس پێکهاتنە ک چن ئەرا زیاتر لە 30 شار ک لەوەر وەجیماگەیل پلاستیکی فرەترین زەرەد وەپیان رەسیە، وە قسەی وەرپرسەیل پرۆژەگە لە هەر خولەکیگ زیاتر لە 20 تەن پلاستیک خریەێدە ناو زەریاگان، لەوەر یە ئۆدیس پلاستیک پلان دیرێد لە ئەفریقا و ئەمریکای باشوور و باشووری خوەرهەڵات ئاسیا چارەسەرەیلی دەسوەپی بکەێد.