شەفەق نیوز/ سەرپەرشتیار وەڕێوەبردن کارایی حکومەت ئەمریکا ئیلیۆن ماسک پاڵپشتی هویرما خوەیکیشان ولایەتە یەکگرتگەیل لە نەتەوە یەکگرتگەیل و هاوپەیمانی ناتۆ کەێد.
ماسک لەجواو پۆست یەکیگ لە وەکارهاوەرەیل تووڕ کۆمەڵایەتی "ئێکس" کە ئوشێد وەخت خوەیشانەوە ولایەتە یەکگرتگەیل هاتیە، ماسک نویسانیە "پاڵپشتی کەم".
لە گوزەشتە مایک لى، سیناتۆرى کۆمارى راگەیان، هویرمان خوەیکیشان ئەمریکا لە نەتەوە یەکگرتگەیل و وسانن پاڵپشتییەیل ئەرا بۆ رێکخریاگە ناودەوڵەتیەیل پێشکەش ئەنجومەن پیران کریایە. بیرۆکەگە وە تەواوی لە رێکخریاگە و سەرجەم رێکخریاگ پەیوەندیدارەیل پێشنیار کردیە، یەیش واتا وسانن پاڵپشتییە داراییەیل وەلایەن واشنتن.
لەهەمان وەخت دۆناڵد تراپ لە گوزەشتە، چەن جاریگ لە ناڕەزایەتی نیشاندایە لە چالاکییەیل هاوپەیمانیی "ناتۆ" نیشاندایە، وەرجە هەڵوژاردنیش هەڕەشە خوەیکیشانەو ئەمریکا لە هاوپیمانیەتیەگە کرد ئەگەر وڵاتەیل ئەروپی هاوبەش وەرپرسیارەتی دارایی گەپیگ نەگرنە مل.