شەفەق نیوز/ قاوە وە بڵاوترین نووشین جەهان دانریەێد، وە ڕادەیگ ک مەردم لەبان ئاست جەهان رووژانە نزیکەی دوو ملیار کوپ قاوە نووشن. 

وەگەرد باسکردن قاوە یەکەمین چشت کافاین خەێدە هۊرمان، ک وەگورەی سۆفی میدیلین ڕاوێژکار و وەڕێەوبەر “سیتی دیتاتیانز”، لەپاڵ ئەو چالاکییەی وەپیمان دەێد، قاوە چەن وەلیفەتیگ تەندروسی دیرێد. 

سۆفی ئاشکەرای کەێد ک “قاوە کاریگەریی خاسیگ لەبان دەماخ دیرێد و چەن تۊژینەوە پەیوەندیی نوان قاوە و کەمکردن مەترسیی تۊشبۊن وە زەهایمەر و پارکینسۆنیان دەرخستیە”.

وەگورەی رووژنامەی  “دەیلی ئێکسپرێس” بەریتانی، “فرەترین بڕ کافاین ک لە رۊ تەندروسی ری وەپیدریاگە، 300-400 میلیگرامە لە رووژیگ، یە لە وەختیگ ک کوپیگ مامناوەند قاوە 80-100 میلیگرام کافاین هاناوی، وە مانای ئەوەی فرەترین ڕێژەی ری وەپیدریاگ 3 ئەرا 4 کوپ قاوە لە رووژیگە”. 

و “زیادەچگن لە نووشین قاوە و وەرگردن کافاین وە گشتی، بوودە هووکار سەرژان و هەڵچگن و بی خەوی”.