شەفەق نیوز/ کار ئەڵاجەوییگ لە ویلایەت کالیفۆرنیای ئەمریکا بوی، هەنای ماشینیگ وە تەواوی لەناو چاڵیگ لە ژیر زەوی پەیا کریا، ئەوەیش لە ناو ماڵ تاوانکاریگ کۆنە.
ئەو ماشین سپۆرت بانوازە، وەرجە ٣٠ ساڵ دزیایە، لە مەیدان کۆشکیگ لە کالیفۆرنیا پەیا کریا، ک هن پیاویگە میژوو دویر درویژیگ لە دەسگیرکردن وە تاوان کوشتن و تەقەلای کوشتن و خەڵەتانن پیمە داشتیە.
ئەو ماشینە مارکەی مارسیدس بویە، پڕی لە کێسە کریایە.
پۆلیس مەزەنە کەێد ک لە ساڵ نەوەتەیل ئەو ماشینە وە قویلی ٤ تا ٥ پا نریاسە چاڵ، وەرجەیەگ خاوەن ئیسەی ماڵەگە بسیێدەی.
ڕیک دیگولا وەرپرس ناوچەی ئەسیرتون وت: لە ساڵ ١٩٩٢ ئاگاداری لە دزیان ماشینیگ لە ناوچەی بالو ئەلتو دریا.
ئەو ماڵ گەپە وەرد گوڵەم مەلەوانی و یاریگای تەنس لەلایەن جۆنی لو بینا کریا، ک لە ساڵەیل شەس و هەفتایل لەناو زیندان بوی.
جۆنی لە ساڵ ١٩٦٦تاوانبار وە کوشتن گەنجیگ لە لۆس ئەنجلس کریا، و لەساڵ ١٩٧٧ تاوانبار وە دوو تەقەلای کوشتن کریا.