شەفەق نیوز/ هەر جەژنیگ تیەێد، چیرووکیگ وەرد خوەیا تیەرێد، و ئی گلە لەلای پیاوەیلیگ کار لە ئاسن و ئاگر کەن، لەناوڕاس شار حلە ناوەند پارێزگای بابل لە عراق.
لە ژیر ئاگر سویەر ئی تاوسانە، و کارەبایش لەلیان بڕیاس، و ئی خاوەن پیشەیلە، هیمان وە دەس خوەیان کارەیل رەنگینیان ئەنجام دەن.
هەر لە شەوەکیەو، بڵویزە لە مژ زوخاڵ تیەێد، و دەنگ بووڕەی ئاگر کوانی تیەێد، و پارچە ئاسن سوورەو بوود، تا ئیوارە تەقەی دەسیان تیەێد.
خوەر بەرزەو بوود، وتیەن گەرمی رەسێدە بان سەریان، یانیش ئاگر هیز دانە، ئاسن وەپی نەرمەو کەن، کە وەیجویرە کارەگە سەختترە ئەرایان.
کامیرایل هاوڕیمان لە ئاژانس شەفەق نیوز، کەڕار جەبار، گرتەیل رەنگین لەو رەنجەیل قورسە گرد، کە ئەرا دروسکردن کەرەستەیل کشاورزی و بیڵ وداس و چەمچە و شەن و گاوەسن کار کەن.