شەفەق نیوز/ هەمیشە مەردم ماڵیگ گرنە کرا، یا شوقەیگ یا پارچە زەوییگ وەگورەی کاریان، و هەنای ئەرا شوینیگ گەشت کەن، چ ئەرا گەشتوگوزاری یا ئەرا کاریگ، هوتێل خاسترین شوینە ک بگرێدەی کرا، وەلێ ئاواییگ وەتەواوی بگیرێدە کرا، یە تا ئیسە نەویە.
ئیتاڵیا، ک شوین گەشتوگوزاری جیاوازیگە، وەگورەی سایت "مای مۆدەر میت" ئی کارە خستە وەردەس، ک ئەو گەشتیارە ک سەردان ناوچەی خوەرهەڵات ئیتاڵیا لەشان دەریای ئەدریانی کەێد، توەنێد ئاواییگ رەنگین وە ١٥٧٧ دۆلار ئەرا یەک شەو بگرێدە کرا.
ئەو ئاوای ڕەنگینە ک کەفێدە ناوچەی مارش، قڵایگ و چەن ماڵیگ و پارکیگ و شانۆیگ هاناوی، هەمیش دیمەن رەنگینیگ لە کویە و دارەیل دیرێد.
ئی ئاوایە ک وەپی ئویشن: بیتەریتولی، ٣ ساعەت لە رۆمای پایتەخت دویرە، و ٤ ساعەتیش لە فلورنسا.
شوین ٢٠٠ کەس لەناو ئی ئاوایە بوودەو، و چەن شوینیگ ئەرا خەفتن هاناوی چ لەناو ماڵیگ یا لەناو قڵای میژوویی، و ناشتای شەوەکیانیش هەس.
ئەوانەگیش خوەشیان تیەێد لە تاوسان مەلەوانی بکەن، توەنن تا تەنیا ١٩ کێلومەتر لە ئاوایەگە بچنە ناو دەریا.
وینەیلیگ نشان دەن ک ئاوایەگە خزمەتگوزاری کەشخەیگ ئەرا میوانەیل پیشکەش کەێد، هەرچەن نرخەگەی وەرانوەر ئەو چشتەیلە فرە ئەرزانە.