دەسەڵاتەیل کوینزلاند ئوسترالیا، ژن وپیاویگ لەناو ماڵیگ پەیا کردن وەگولە کوشیانە، وەیەکەو لەبان ئەنتەرنێت تەگبیر کردنە خوەیان بکوشن.       

ژنەگە هالە تەمەن ٤٨ ساڵان،  و تەمەن پیاوەگە ٥٢ ساڵانە، لە پشت ماڵەگە لە ناوچەی Caloundra West لەکناراو Sun Shine پەیا کریان. 

دەسەڵاتەیل ناسنامەی دوو تەرمەگە دیاری نەکردن، و وتن: ژنەگە وەرجە ماوەی کەمیگ لە خوەیکوشتنی پەیوەندی وە پۆلیس کردگە وەپیان وتیە خوازێد خوەی بکوشێد. 

دانیشتگەیل ناوچەگە دەنگ تەقەی گولە لەو ماڵە ژنەفتن، و پۆلیس مەزەنە کەێد ک پیاوەگە ژنەگە کوشتیە ئیجا خوەییش کوشتیە. 

پۆلیس باس بەڵگەیل فرەیگ کردن لە تەگبیر و رک هەردوگیان لەبان کوشتن خوەیان کردنە، و ئەوەیش لەبان ئەنتەرنێت بۊە.