شەفەق نیوز/ ماڵپەڕیگ ئەلکترۆنی تایوەت وە پەیمانەیل تاوانە ئەلکترۆنیەگان بڵاوکردیە، وڵات رووسیا وە لەی یەکەم تێد لە هاک کردن هەشمارەیل وەکارهاوەرەیل ئینتەرنێتی وەپای ئەوەگ لە ساڵ ٢٠٢٢ لە هەر ١٠ وەکارهاوەر ئینتەرنێت هەشت وەکارهاوەر هاک کریانە، ئاشکەرایکردا لە کیشوەر ئاسیا وڵات عراق کەمترین رێژەی هاک کردن هاناوی.
لە ماڵپەڕەگە هاتیە؛ ٨٧٪ وڵاتەیل هاککردن لەناویان کەمە لەبان ئاست جەهانی لە هەر هەزار ئیمێڵیگ ٥٠ ئیمێڵ هاک کرێد، یەیش ئەوە نیشان دەێد هاکەرەیل تەنیا چەن وڵاتەیگ کەنە ئامانج.
ئاشکەرایکرد، لە وڵات روسیا رێژەی هاککردن ئیمەیلەیل ۱۷ ئەوەنەی تێکرای جەهان زیاترە و لە ساڵ٢٠٢٢ لە هەر ١٠ وەکارهاور ئینتەرنێت لە روسیا هەشت وەکارهاوەریان هاک کریانە، و فەڕەنسا وە پلەی دویەم تێد لە هەر دە وەکارهاور سێیانیان هک کریانە وەگشتی ئەوروپا لە پلەی بەرز هاککردنە وەپای ئەوەگ لە ساڵ ٢٠٢٢ لە هەر پەنج وەکارهاوەر ئەنتەرنێت وەکارهاوریگ هاک کریایە.
باس لەوەشکردیە لە وڵاتەیل عەرەبی هەردووگ کیشوەر ئەفریقا و ئاسیا کەمترین بەرکەفتی هاککردن دیرن هەمیش عراق وە وڵاتیگ دانرێد لە کیشوەر ئاسیا کەمترین رێژەی هاککردن دیرێد.