شەفەق نیوز/ زانیایەیل هووشداریدان کیشوەر ئەفریقا رویوەروی هەڵوەووشاننیگ خێراتربوون لەوەگ مەزەنە کریا و هاتی ئۆقیانوس  و کیشوەر نوویگ دروسبوود.

دروسبوین و گەورەبوین درزیگ وە  درویژایی 35 میل (زیاتر لە 56 كیلۆمەتر) لە بیاوانەیل ئەسیوبیا لە ساڵ 2005ەو، هووکار هووشداریدانەگەی زانایەیلە، کە ساڵانە  وە بڕ  (0.0127 مەتر) زیایکەێد.

سەرەتا زانایەیل لەو باوەڕەبوین لێکجیابوینەوەگە ملیۆنان ساڵ وەپی بچوود، باوجی  پرۆفیسۆر كین ماكناڵد، مامۆستای زانكۆی كالیفۆرنیا لە سانتا باربرا لە لێدوانیگ ئەرا  رووژنامەی “دەیلی مەیل”ی بەریتانی رایگەیان، دابەشبوینەگە لەماوەی   ملیۆنیگ تا  پەنج ملیۆن ساڵ رویدەێد.

دابەشبوینەگە کیشووەر و ئۆقیانوس نوویگ لەروی زەوی دروسکەێد.

درزەگە وە سۆماڵ، كینیا، تەنزانیا و نیوەی ئەسیوبیا درویژەوبود  و، مەزەنەکرێد ئاڵشتبوود ئەرا   كیشوەر نوویگ.