شه‌فه‌ق نيوز/ وه‌رپرسه‌يليگ باس له‌وه كردن ك فيله‌يل ده‌سميه‌تده‌ر بوينه له قورتاركردن سه‌دان گه‌شتيار له باخچه‌يگ واز ئاژه‌ڵه‌يل ك لافاو گرته‌سه‌ێ له نيپاڵ، يه‌يش له وه‌ختيگ شماره‌ێ ئه‌وانه‌گ ك له‌ئاكام ئه‌و لافاوه‌يله گيان له‌ده‌سدانه دوياێ چوار رووژ له واران وه‌رده‌وام ره‌سيه 70 كه‌س.
جى باسه، لافاو له ئاوايى ساوراها روێدا ك ئه‌كه‌فێده دويرێ 80كم باشوور كاتمندۆ پايته‌خت و گشت ميوانخانه‌و ئاشخانه‌يل و پاركه‌يليش ويران كرد و رێ له نزيكه‌ێ 600 گه‌شتيار بڕێ و له‌ناونيانيش گه‌شتياره‌يل هندى و چينى ك له‌وه‌ر سواربوين فيل روێ له‌و شوون گه‌شتياريه ئه‌كه‌ن و نزيكه‌ێ 300 گه‌شتياريش وه بان پشت فيله‌يله‌و قورتار بوينه له‌و لافاوه.