شەفەق نیوز/ نانەوایل فەرەنسا، وە دروسکردن درویژترین نان فەرەنسی لە جەهان، وە درویژی 140.53 متر، شمارەی پەیمانەیی لە ئیتالیا سەنن، کە وەرجە 5 ساڵ کەفتە دەسیان.
ناوچەی سورین لە پاریس دروسکردن ئەو نانە وەخوەی دی کە درویژییەگەی وە 235 گلە لە نان ئاسایی زیاترە، ئەوەیش لە چالاکی یەکێتی نانەوایل فەرەنسا.
وەرجەیە، درویژترین نان فەرەنسی وەناو ئیتالیا بوی، کە لە شار کۆمۆ لە حوزەیران 2019 دروس کریا، و درویژییەگەی رەسیە 132.62 متر.
نانەوایل فەرەنسا، لە ساعەت سێەی شەوەکی، دەسکردنە دروسکردن نانەگە ئیجا خستنەی ناو تەنویریگ تایبەت.
یەکیگ لە نانەوایل وەناو ئەنتۆنی ئەریگولت دویای رازیبوین دەسەی ناوجیکەرەیل لە کتاو گینیس ئەرا شمارەیل پەیمانەیی وت: زانستیمن کە گشت چشتیگ وەخاسی دروس کریا، و ئیمە فرە دڵمان وە شکانن ئی شمارەی پەیمانەییە خوەشە کە لە فەرەنسا ئەنجام دریا.
بەشیگ لە نانەگە بڕیا و دریا وە ئەو جەماوەرە کە ئامادە بوین، و ئەو بەشەگە دریەێدە کەسە سەرگەردانەیل.