شەفەق نیوز/ هەوکردن جگەر لە جویر (c) بیماریەگە، فرە کەس خەوەری نییە و تویشی تێد یەیش هیلێد چارەسەرکردنەگەی بڕەسێدە قۆناغ مەترسیدار جویر شێرپەنجە، پەککەفتن جگەر، تا رەسێدە گیانلەدەسدان ئەگەر چارەسەر نەکرێد.
وەپای قسەی شارەزایەل وەکارهاوردن فڵچەی دگان و شفرەی ریش تاشین یەکیگ لە هووکارەیل گواستنەوەی ڤایرۆسەگە هەمیش هووشداری دەن لە ئەنجامدان نەشتەرگەری جوانکاری لەو وڵاتەیلە بیماریەگە لەناو رێژەی بەرزە.
هەوکردن جگەر لە جویر سی بیماریگ ڤایرۆسیە بوودە هووکار پەنام جگەر، کەمجار بیمارەگە نیشانەیلیگ لەلی دەرکەفێد، لە بڕیگ پسای توشبوی تەو و هەسکردن وە شەکەتی لەلی دەرکەفێد وەگەرد لەدەسدان ئەزرەت خواردن و ژانە زگ و چەن نیشانەیلیگتر.
وەپای هەڵسەنگانن رێکخریاگ تەندروسی جەهانی نزیكەی 58 ملیۆن كەس تویشبوی بیماریەگە هەس، ساڵانەيش شمارەگە نزیکەی 1.5 ملیۆن زیایکەێد.