دەسەگە لە راپۆرتیگ ئاژانس شەفەق نیوز دیەس  راگەیان،  رێژەی فرووشتن ماڵ وە رێژەی  9.5% داوەزیایە لە ماوەی مانگ ئەیلوول سبتەمبەر گوزەشتە وە بەراورد وەهەمان مانگ لە ساڵ وەرین  ئیرنگە 102 هەزار و656 پرۆسەی سەنین ئەنجام دریاس، ئستەنبوول بەرزترین رێژە دیرێدوە 14.9%، وە 15 هەزار و247 فرووشتن موڵک، ئەنقەرە وە پلەی دویەم تێد وە فروشتن مولک رەسیە 9048 ، ئەزمیر فرووشتنی رەسیە 5476 مولک وە رێژەی 8.8%.

لە راپۆرتەگە دیاریکردیە روسیا هەر له لویتکەی ئەو وڵاتەیلە مەنییە کە زیاترین سەنین مولک دیرن لە تورکیا لەماوەی مانگ ئەیوول/سبتەمبەر وەرین وە 722 ماڵ، ئیرانیەیل وە پلەی دویەم تێن وە سەنین  327 ماڵ، عراقیەیل سێیەمن  وە 191 ماڵ، ئەڵمانیا چوارەمە وە 148 ماڵ، ئۆکرانیەیل پەنجەمن وە 122 ماڵ.

لە وڵاتە عەرەبیەیل کوەیت لە دویای عراق تێد لە سەنین ماڵ لە تورکیا وە  96 ماڵ، لەدویایشی میسڕ 59 ماڵ، و سعودیە 56 ماڵ، قەتەر 40 ماڵ، لە کۆتویش یەمەن وە38 ماڵ.