شەفەق نیوز - بەغداد / عەممان

هەڵبژاردەی عراق ئەرا گەنجەیل و گەورەگەنجەیل کاراتێ چوارمەدالیای جوراوجویر لە   پاڵەوانێتی ئاسیا وەدەسهاورد کە، ئمڕوو پەنجشەممە، لە پایتەخت ئوردن، عەممان، کۆتایی هات.

پاڵەوانیەتیەگە وە بەشداری 350 بازیکەر کوڕ و دوێت بوی کە نوێنەرایەتی 21 هەڵوژاردەیل ئاسیایی کردن.

گەنج و گەورەگەنجەیل یەک مەدالیای نوقرە و سێ مەدالیای برۆنز وەدەسهاوردن جویر دەسکەفتێگ کە نیشانەی وەنواچگن بازیەگەس لە وڵاتەگە.

پالەوانیەتیەگە رکابەرایەتی تیژیگ لەناوەین بەشداربویەیل وەخوەی دی، کە بازیکەرەیل  هەڵبژاردەی عراق توەنستن سەرکەفتن وەبان  پلاتفۆرم خەڵات و چوار مەدالیاگە وەدەسبارن، وەبان ئەو رکاربی قایمە کە لەناوەینیان بوی.