شەفەق نیوز/ دەسەی گشتی ئاسەوار ومیرات، ئمڕوو سێشەممە، راگەیان لە لێکۆڵینوەیل پەیاکردنەیل ئاسەوار کە لە تل "عەرەب کومبت" لە پارێزگای کەرکوک ئەنجام دریا، لە وەخت هەڵکەنانن شوینیگ ئەرایاندەرکەفت  کە گلەوخوەد ئەرا زیاتر لە4000 ساڵ، یەیش رەسن وە مێژووی ناوچەگە رووشنکەێد کە درویژەوبوود ئەرا سەردەم دەرکەفتن خانەدانەیل و سەردەم بابلی کوەن ( هەزارەی سێیەم و دویەم وەرجە زاینیی).

 دەسەگە ئمڕوو لە بەیاننامەیگ راگەیان،لە لێکۆڵینەوەی یەکەم سەر وەخوەیان " وەجیماگەیل یەکەی نیشتەجیبووینەیل و وەرشە و کوڕەی دروسکردن  کۆفەسازی پەیاکریا، وەرد نزیکەی 100 پارچە ئاسەوار جیاواز".

لە بەیاننامگە وتیش لە دویەم لێکۆڵینەوە قەورەیلیگ پەیاکریان کە دیاری جیاواز لەناوی خاک کریابوی، لە ئەنجام نزیکەی 150 پارچە ئاسەوار تا ئیسە پەیاکریاس.