شەفەق نیوز/ ئەماریگ لەناو دوورگەیگ لە جەمسەر باکوور ئەرا مقەیەتیکردن تویەمەیل جەهان لە جەنگ و بیماری و کارەساتەیل، ئمڕوو چوارشەممە ئەرا یەکەمین جارە، تویەم لە عراق بەێد.
ئەمار سفالبارد جەهانی ئەرا تویەم، ک کەفێدە ئەشکەفتەیل هەمیشە سەرد و سڕیگ لە دوورگەی سبيتسبيرجين لە ناوڕاس ریەگە ناوبەین هشکایی سەرەکی ئەوروپا و جەمسەر باکوور، و تەنیا سێ گلە لە ساڵیگ واز کریەێد، تا تویەمەیل ناوی نەکەفنە وەر هەوای دەیشت.
ئەو ئەمارە لە ساڵ ٢٠٠٨ واز کریا، جویر دویاترین پەنای ئەرا بانکەیل جینەیل نیشتمانی و هەرێمی، و دەورەیگ سەروکی لەناوبەین داڵەیل ٢٠١٥ و ٢٠١٩ رانێد لە دووارە بیناکردن بڕیگ لەو تویەمەیلە لە لەجەنگ سوریا زەرەدمەن بوین.
وەزارەت نەرویجی لە بەیاننامەیگ وت: زیاتر لە ٤٥ هەزار نموونەی تویەم لە ١٣ بانک لە ئاسیا و ئەوروپا و ئەمریکای لاتینی، ئەوەسا ئمڕوو چوارشەممە نریەێدە ناو ئەمارەگە، تا گشت بڕەگە بڕەسنێدە زیاتر لە ١،٢ مەلیۆن.
وتیش: یەکەم جارە لە عراق ٤١٨ نموونەی تویەم لە عراق تیەێد، ک تویەم گەنم وبرنجیش هاناویان.
ستیڤان سمیتز وەڕیەوبەر سەندوق گرووپ تراست ک وەگەرد نەرویج ئەمارەگە وەڕیەو بەێد وت: بەشداریکردن دەوڵەتەل لە ئەرک Seed Vault کار گرنگیگە ئەرا مسۆگەرکردن ژیان لە رەنگاوڕەنگی جینی.
کۆریای باشوور و مەکسیک لەناو ئەو دەوڵەتەیلە بوین ک ئمڕوو چوارشەممە تویەم خستنە ناو ئەمارەگە.