شەفەق نیوز- شازایەگەێ سوعوودی ک تاسەێ ئقتسادێ وە بێ‌‌نەفت ها دە سەرێ وتگە ها شوون پروژەێل گەشتیاری فرەترێ و دخوازێ عەراوستان بکەێ وە قوتبێگ تکنولوژیکی، ئوو وە نام (نئوم)یش نامگیرێیەو کردگە.

ئی شارە، شارێگە دە بان یەک هێڵ (د لاین) و لە هساو ببێگە رێکارێ ئەڕا لابردن گیچەڵەێل شارنشینی نووی.

ئی چەن نووی‌شارە شان ئەڵ شانە، لە قەرار دە نام بیاوانەێل بێ‌ئاو و گژ و گیا عەراوستان بسازرن ک هانە شوون ئەسڵ پایاری و ژینگەپارێزی.

ئەو جییە ک ها وەر چەم عەراوستان، ها دە رووژئاواێ ژۆرین دەو کشوەرە یانێ دە نزیکەێ کەندئاو عەقەبە و دە لێوار دەریاێ سۆر.

نووی‌شارەێلە وە نیشان کردنەوەێ ژینگەپارێزی، ئابوووری، سیاسی و کومەڵایەتی، بەرنامەژێری دکرن.

دریژاێ ئی شارە خیاڵاوییە چمان 170 کیلوومتره و ئەر بسازرێ دکرێگە سەمبۆڵێگ ئەڕا گشت شارەێل (د-لاین) دە دنیا و شارێگە وە بێ دۆکەڵ و بێ‌ماشین.

ئی شارە وە دوسەد ملیارد دولار دسازرێ و بەشێگە لە پروژەێ پانسەد ملیارد دولاری نئوم دە دڵ عەراوستان.

سازگاری وەرد ژینگە و ئاو و هەوا و دەر و دەێشت، داین ماف ژنان، تکنولوژی بان‌تر، قەتارەێل تۆن‌ڕۆ، یەک گلە مانگ‌وێنە و بڕێ پهباد، قەیرێ لە خەون و خێیاڵەێلێگن ک ولیعەهد عەراوستان ئەڕا ئی شارە دییە، ئەیانە گشتێ بەشێگن لە چەمداری ئەڕا 2030 عەراوستانن ک موحەمەد کوڕ سەڵمان دە ساڵ 2016 وتگەسەیان و 80 پروژەسە ئەڕا خوەێ.