شەفەق نیوز/ دەسەی کەشناسی عراق، ئمڕوو سێشەممە، کەشوهەوای وڵاتەگە لەی رووژەیل بانانە بڵاو کرد، و باس توومارکردن نیمەی پلەی کوڵیان لە بەسرە کرد.
دەسەگە لە بەیاننامەیگ رەسیە ئاژانس شەفەق نیوز وت: کەشوهەوای وڵاتەگە ئەرا سوو چوارشەممە، لە ناوچەی ناوڕاس و باشوور گەرمە، و پلەی گەرمی لە گشت وڵاتەگە نزیک رووژ وەرجە خوەیە، و دیاری کرد کە پارێزگای بەسرە ٥٠ پلەی سەدی توومار کەێد.
وتیش: رووژ پەنجشەممە، لە ناوچەی ناوڕاس و باکوور خوەر و رووشنە، و لە ناوچەی باشوور گەرمە، و پلەی گەرمی لە گشت وڵاتەگە کەمیگ بەرزەو بوود.
هەمیش وت: رووژ جمعە، پلەی گەرمی لە گشت وڵاتەگە نزیک رووژ وەرجە خوەیە.
بەیاننامەگە وتیش: کەشوهەوای رووژ شەممەی ئایندە، رووشن و خوەرە، و پلەی گەرمی لە گشت وڵاتەگە نزیک رووژ وەرجە خوەیە.