شەفەق نیوز: شارەزایگ کەشناسی مەزەنەی وەردەوامی کاریگەری پارچە گەرمی لەبان عراق تا کۆتایی مانگەگە کرد.
شارەزای کەشناسی واسق سەلامی لە مەزەنەکردن کەشوهەوای کە رەسیە ئاژانس شەفەق نیوز وت:
کاریگەری پارچە گەرمەگە لەی رووژەیل کەمە قویلەو بوود، و پلەی گەرمی بەرزەوبوین زیاتر توومار کەێد لە رووژەیل پەنجشەممە و جمعە و شەممە، تا لە ئەرشیڤ ساڵانەی مانگ حوزەیران رەد کەێد.
وتیش؛ گشت شارەیل باشوور پلەیل پەنجایی وە درویژی ئی هەفتە توومار کەن، و لە پشتی ناوچەیل فورات ناوڕاس تا رەسێدە بەغداد پایتەخت و دیالە و خوەرهەڵات ئەنبار و باشوور سەڵاحەدین، وتیش: هاتێ ئی مانگە وە شەپوولیگ گەرمی ترەک کۆتایی باێد.
وتیش: هوونکی تا کۆتایی مانگەگە دیار نییە، وەگورەی دویاترین مەزەنەیل وەتایبەت ناوچەی باشوور، وەلێ ئەو شارەیل ترەک هاتێ داوەزیانیگ وە نزیکەی ٣ پلە لە هەفتەی ئایندە لەناویان بوود.