شەفەق نیوز/ چێشتخانەیگ لە میسر گرانترین ساندویچ پێشکەش کەێد، ئەویش ساندویچ ماسیە وە تەڵای عەیار 24 ک نرخەگەی رەسێدە 100 جونیە ک کەێدە هەفت دۆلار. 

لەشار مەنسورەی باکور قاهیرە گەنج میسریگ چێشتخانەیگ وازکەێد ک یەکەمجارە لەو وڵاتە چێشتخانەیگ لەوجۊرە وازبکریەێد ساندویچ ماسی وە تەڵا پێشکەش بکەێد، ویەیش فرەیگ لە بسینەیل ئەرا لای خوە کیشایە  چۊنکە بسینەیل ساندویچەگە وە تام و شێوەیگ نوو باس کەن.

عومەر ماکرەم، یەکیگە لە خاوەنەیل چێشتخانەگە ئۊشێد، هۊر وازکردن چێشتخانەیگ وەی جۊرە لە چێشتخانەیل تورکیا و دوبەی وەرگردیە، لەرێ دوسیگی لە هیندستان تەڵا هاوردەکردیە ئەرا ئەوەگ وەگەرد ماسیەگە تێکەڵی بکەێد، ئاشکەرایش کرد تەڵا ئەرا تەندروسی زیانبەخش نییە، بەڵکم سوود دیرێد و لە بڕیگ پسای چارەسەر چەن بیماریگ کەێد.