شەفەق نيوز/ تۆژینەوەیگ لەلایەن زانایلیگ پسپۆڕ وە ژیان دەیشتەکی، ئاشکرا کرد ک داڵەیل (کەندوور) ک لە ویلایەت کالیفۆرنیای ئەمریکا جیگرە، و فرە هالە وەر رخ فەوتان، توانای ئەوە دیرێد ک وەبی زاوزیکردن زیایەو بوود.   

لە شیکاری نممونەیل بایۆلۆژی لەو چین داڵە، پسپۆڕەیلە لەناو ژیان ئاژەڵ دەیشتەکی سان دییگو نووڕستن ک دوو بەچکەی کەندوور لەناو خایگ دراتن ک لە نیرە زاوزی نەکریاگە.   

سینیتا ستینەر خانمە بەشدار لە بەش تۆژینەوەی مقەیەتیکردن زیان دەیشتەکی وت: یە چشت ناکاوی سەرسامکەر گەورەیگە، قەت مەزەنەی ئیجۊر چشتیگ نەکردین.    

وتیش: یە ئاشکراکردن فرە جیوازیگە لە باڵندە وەگشتی، و دیاری کرد ک ئەو دوو ما ک خا کردن، لە شۊنیگ بۊین نیر لەناوی هەس، وەلێ وەرجە زاوزیکردن خاگە کردن.