شەفەق نیوز/ کشاورزیگ بەلجیکی لەناو دالیە و بوەسان خوەی لە ئاوایییگ کەفێدە ناوبەین بەلجیکا و فەڕەنسا، لە وەخت جفتکردن سەنگیگ کەفێدە نوای تراکتۆرەگەی، ئەویش دەێدەی وەر گاوەسن و سەنگەگە دویرەو خەێد.

دویای ئەوە ئاشکرا بوی ک ئەو سەنگە جوور هووم دیاریکردن سنور ناوبەین دوو دەوڵەتەگە بویە، ک کابرای کشاورز وەخوەی نەزانستگە سنوور بەلجیکا تا دوو مەتر و ٢٩ سانتیمەتر بردگەسە ناو خاک فەڕەنسا.

ئەو کارە لە هەر شوینیگ لە جهان بویاتاد شایەت گرفتیگ سیاسی دروس بکرداد، وەلی لە بەلجیکا و فەڕەنسا بویەسە هەنەکی و گاڵتە.

دەیڤید لاوکس وەرپرس شارەوانی ئەو ئاوایە باس کردگە ک ئەو کشاورزە وەو کارە سنوور بەلجیکا گەورەو کردگە و فەڕەنسا بویچگەو بویە، و ئەوەیش کردەوی خاسیگ نییە.