شەفەق نیوز- سرگئی سوچکوف، فەزاگەرد رووسی، دە توئیتێ نووسان: ئمساڵ ئیمە دە ئی ئیسگا، شانزە گل، جەژن کریسمەس دگریمن.
ئی ئیسگای جەهانییە ک دە چوارسەد کیلوومتری بان زەمین هەسەێ، وە شەس‌دەو بیس و هەفت هزار کیلوومتر دە ساعەت گز ئەڵوەسێ و دە دەور زەمین دچەرخێگ و دە بیس و چوار ساعەت، شانزە جار دە دەور زەمین خڕ دخوەێ.
ئمساڵ، یەکم ساڵێگە ک فەزاگەردەیلەێ ئی ئیسگا هانە فەزا و ساعەت وە یەک نیمەڕوو، وە کات ئوروپای ناوەندی و دە بان جەزیرەی رووسی کامچاتکا، عەید دکەن.
ئەوان ک هەفت کەسن، دە دەور مەێزەگەیان دە ئی ئیسگا، ساندوویچ خاویار دخوەن.
ئی ئیسگا، یە نزیکەێ بیس ساڵە ها دە هەوا.