شەفەق نیوز- وەدۊاچگن

شارەزایگ خوەراکناسی هوشداری دا لە زیایچگن لە خواردن چەرەزات، هەرچەن سوودەیل تەندروسی دیرێد، و دیاری کرد کە ریژەیگ بەرز لە تێن گەرمی ها لەناویان هیلێد کۆنترۆڵکردن بڕەگە بوودە کار گرنگیگ، وە تایبەت ئەرا ئەوانە کە تەقەلای پاراستن کیش خوەیان دەن.

 شارەزا تاتیانا سۆلنتسیڤا وت، کە بڕ رووژانەی پێشنیازکریاگ ئەرا گەورەساڵەیل لەشساخ جیاوازە وەپای جۊر چەرەزاتەگە، و دیاری کرد کە تۊەنریەێد نزیکەی 7 دانە لە گردەکان، و 22 تا 23 گلە لە باویام تەواو، و 16 تا 18 دەنگ لە کاجۆ لە رووژیگ بخوریەێد.

وتیش کە بڕ گونجیاگ لە پسکەی حەلەبی بی تووکڵ رەسێدە نزیکەی 49 دەنگ لە رووژیگ، لە وەختیگ تەمەی کەێد وە خواردن فستق و فستق عەبید وە بڕیگ سنووردار، و رەدنەکردن 20 تا 25 گرام لە سنەوبەر.

 دیاری کرد کە "گشت چەرەزاتەیل لە یەک شیوەی هاوبەشن، ئەویش دەوڵەمەنییانە وە تێن گەرمی"، و ئاشکرا کرد کە 100 گرام لە سنەوبەر نزیکەی 700 تێن گەرمی لەخوەی گرێد، لە وەراوەر نزیکەی 650 تێن لە خود ئەو بڕە لە گوێز.

هەمیش وت کە 100 گرام لە فستق نزیکەی 628 تێن گەرمی، و باویام 575 تێن، و کاجۆ 553 تێن، و پسکە 557 تێن، و فستق عەبید 567 تێن، و گردەکان بەرازیلی 659 تێن گەرمی لەخوەیان گرن.

 دووپات کرد کە بڕەیل باسکریای تایبەتن وە گەورەساڵەیل لەشساخ، لە وەختیگ تەمەی گەورەتەمەنەیل و ئەو کەسیلە کرد کە هۊردەکارن لەبان کیش لەشیان وە کەمەوکردن بڕەیل وە نزیکەی یەک لەسێ، ئەرا دویرەوکەفتن لە وەدەسهاوردن تێن گەرمی زیایە کە شایەت کار بکەێدە بان کیشیان.

چەرەزات سەرچەوەیگ گرنگە ئەرا چەوری و پرۆتین و مادە خوەراکییەیل، وەلی بەرزبۊن خەسی تێن گەرمی لەناوی، قەوارەی بەشەگە کەێدە مدوویگ گرنگ مەوقەی خستنی لەناو سیستم خوەراکی رووژانە.