شەفەق نیوز/ شارەزایگ بریتانیی مژار خوەراک راگەیان، هەریەک لە زەردەچەوە و دارچین و جاترە تەمەن درۊژ کەن و رخەیل تۊیشبۊین وە بیماری درۊژماوەیلە و شێرپەنجە، کەمەو کەن. جێسیکا نیبس، شارەزای مژار خوەراک لە وڵات بەریتانیا باس لەوە کرد سێ جۊر لە بەهارات سروشتی مقیەتی لەش کەێد لە تۊیشهاتن وە بیماریە رخبەرەیل.
زەردەچەوە، دەسمیەتی مقیەتیکردن لەش لە بیماری شێرپەنجە و پیربۊین پیشوەختە دەێد و تەمەن درۊژ کەێد.
جێسیکا دیاریکرد، لە تۊژینەوەگە ئەرایان دەرچگە ئەو کەسەیلە رووژانە چوار گرام زەردەچەوە خوەن، رخ توشبۊنیان وە شێرپەنجەی کۆڵۆن وەرێژەی ٤٠٪ کەمەو بوود. باسی لەوەشکردیە، دارچینیش دەسمیەتی داوەزانن ئاست شەکر لە خۊین دەێد و رخەیل توشبۊین وە بیماری شەکرەی جۊر دۊیەم کەمەو کەێد و ناهیلێد خانە شێرپەنجەییەگان لەناو جەستە بڵاوەو بوود.
ئەو شارەزایە باس لەوە کردیە، جاترە، یەکیگەە لەو مادە خوەراکیەیلە ک تەمەن درۊژ کەێد و کار دەماخ و هۊیرەوری وەرەونوا بەێد و رخەیل توشبۊن وە زەهایمەر کەم کەێد.
ئەیە لەمەوقەی، شارەزایەیل لەو باوەرەن، گشت جۊرەیل بەهارات سەرچەوەی گرنگی دژە ئۆکسانن، وەتایبەت بەهاراتە هشککریاگەیل و هاڕیاگان ماددەی دژە ئۆکسانیان زیاترە، مەترسییەیل مردن نواوەختە کەمەو کەن، جەستە لە بیماری کلیە و شەکرە و شێرپەنجەی ریخەلوو دۊرەوگرن.